Sársenbide eldiń basym óńirinde kúshti burqasyn men uıytqyma jel kútilýde - Qazgıdromet
ASTANA. 28 jeltoqsan. QazAqparat - «Qazgıdromettiń» boljaýynsha, sársenbi, 28 qarasha kúni Qazaqstannyń derlik barlyq aýmaǵy tsıklonnyń yqpalynda bolady, onymen eldiń basym óńirinde qar, burqasyn men jel kútilýde.
Atap aıtqanda, Batys Qazaqstan, Atyraý, Aqtóbe, Qostanaı, Aqmola, Qaraǵandy, Qyzylorda oblystarynda sekýndyna 15-20 metr kúshpen soǵatyn jeldiń ekpini keı ýaqyttary 25 metrge jetip, burqasyn soǵýy yqtımal. Aqtóbe oblysynda kúndiz burqasynnyń kúshi qatty bolady.
Pavlodar oblysynda 15-22 m/s jyldamdyqpen soǵatyn jeldiń kúshi 27 m/s-qa jetip, oǵan qatty burqasyn qosylady.
Shyǵys Qazaqstan oblysynyń jekelegen aýmaqtarynda sondaı-aq, burqasyn men jel kútilýde, onyń ekpini sekýndyna 15-20 metrdi quraıdy.
Mańǵystaý oblysynyń keı óńirlerin tuman basyp, 17-22 m/s jyldamdyqpen jel soǵady.
Ońtústik Qazaqstan jáne Jambyl oblystarynyń keıbir aýmaqtarynda tuman, kóktaıǵaq, 15-22 m/s ekpindegi jel kútilýde.
Almaty oblysyn keı ýaqyttary tuman basady, túnde Jalańashkól aýmaǵynda jeldiń kúshi 18-23 m/s-ty quraıdy.
