Sársenbide eldiń basym bóliginde aýa raıy qubylmaly bolady
ASTANA. QazAqparat - «Qazgıdromet» RMK 15 tamyzǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty respýblıkanyń keı jerlerinde qubylmaly aýa raıy saqtalady. Naızaǵaımen birge jańbyr jaýyp, daýyl jáne ekpindi jel soǵady. Túnde jáne tańerteń keı jerlerde tuman kútiledi.
Soltústik Qazaqstan, Shyǵys Qazaqstan oblystarynyń keı jerlerinde jel 15-20 m/s kúsheıedi, naızaǵaı, burshaq, túnde jáne tańerteń tuman túsedi. Soltústik Qazaqstan oblysynda keı jerlerde daýyl bolady.
Kúndiz Batys Qazaqstan oblysynda keı jerlerinde jeldiń jyldamdyǵy15-20 m/s jetip, naızaǵaı, daýyl kútiledi. Aqmola, Qaraǵandy, Pavlodar, Almaty oblystarynyń keı jerlerinde tuman túsedi.
Jambyl, Túrkistan, kúndiz Qyzylorda oblystarynyń keı jerlerinde jel 15-20 m/s kúsheıedi, Túrkistan oblysynda shańdy daýyl soǵady. Atyraý, kúndiz Mańǵystaý oblystarynyń keı jerlerinde naızaǵaı jarqyldaıdy.
Qyzylorda, Túrkistan, keı jerlerde Jambyl, Almaty, Aqtóbe, Atyraý, Mańǵystaý, Qostanaı, Qaraǵandy oblystarynda joǵary órt qaýipi saqtalady.
