Sársenbide eldiń basym aýmaǵynda jaýyn-shashyn, burqasyn, uıytqyma jel, tuman men kóktaıǵaq kútilýde
TANA. 16 qarasha. QazAqparat - Sársenbi, 16 qarasha kúni Qazaqstannyń basym aýmaǵynda jaýyn-shashyn (qar basym), burqasyn, uıytqyma jel, tuman men kóktaıǵaq boljanýda. Bul týraly «Qazgıdromet» qyzmetinen habarlady.
Atap aıtqanda, Aqtóbe, Aqmola, Qostanaı oblystarynyń jekelegen jerlerinde burqasyn, kóktaıǵaq pen 15-20 m/s jyldamdyqtaǵy jel kútilýde. Sondaı-aq, Aqmola men Qostanaı oblysynda tumandy bolady.
Mańǵystaý, Ońtústik Qazaqstan oblystarynyń keı aýmaqtarynda tuman, kóktaıǵaq pen sekýndyna 15-23 metr kúshpen soǵatyn ótpeli jel boljanýda.
Qyzylorda, kúndiz Qaraǵandy oblysynda jeldi, onyń kúshi 15-20 m/s-ty quraıtyn bolady.
Batys Qazaqstan, Soltústik Qazaqstan oblystarynyń keı óńirlerinde burqasyndatyp, 15-20 m/s ekpinmen jel soǵady. BQO-da tuman bolýy yqtımal.
Tuman sondaı-aq, túnde Almaty oblysynda kútilýde.
Gıdrologııalyq boljamdarǵa súıensek, aldaǵy táýlikte Qazaqstannyń soltústigindegi sýly nysandardyń deninde muz qatý protsessi jalǵasady. Eldiń shyǵysyndaǵy jekelegen ózenderde muzdyń qatýynan muz keptelisteri bolyp, ásirese, Ertis, Qaljyr jáne taǵy basqa ózenderde sýdyń deńgeıleri kenet kóterilýi múmkin. Respýblıkanyń ońtústik jáne ońtústik-shyǵysyndaǵy sýly nysandarda sýdyń birtindep sýýy baıqalady.
