Sársenbide aýa raıy qandaı bolady
ASTANA. QazAqparat - «Qazgıdromet» RMK 12 qyrkúıekke arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty, Qazaqstannyń basym bóliginde jaýyn-shashyn saqtalady. Túngi jáne tańerteńgi ýaqytta soltústik batys, soltústik jáne ortalyqta jańbyrdyń sońy qarǵa ulasýy yqtımal, tek elimizdiń batysynda ońtústik jáne ońtústik shyǵysta jaýyn-shashynsyz aýa raıy boljanady.
Keı jerlerde jel kúsheıýi kútiledi, ońtústikte jel shańdy daýyl bolady. Shyǵysta jekelegen aýdandarda naızaǵaı jarqyldap, kúndiz burshaq jaýýy yqtımal.
Respýblıkanyń soltústik jáne ortalyq bóliginde túnde jáne tańerteń tuman jáne úsik kútilýde. Shyǵys Qazaqstan, Qostanaı oblystarynda keı jerlerinde naızaǵaı, jeldiń jyldamdyǵy 15-20, kúndiz 25 m/s jetedi, kúndiz keı jerlerinde burshaq jaýýy yqtımal.
Soltústik Qazaqstan, Pavlodar oblystarynyń keı jerlerinde túnde jáne tańerteń tuman, kúndiz jeldiń 15-20 m/s kúsheıýi kútiledi. Qaraǵandy oblysynyń keı jerlerinde tańerteń tuman, túnde jeldiń 15-20 m/s kúsheıýi kútiledi.
Jambyl, kúndiz Túrkistan, Qyzylorda oblystarynyń keı jerlerinde jel 15-20 m/s kúsheıedi. Qyzylorda oblysynda shańdy daýylmen soǵady. Aqmola oblysynyń keı jerlerinde tuman kútiledi.
Túnde Qostanaı, Aqmola, Soltústik Qazaqstan, Pavlodar, Qaraǵandy oblystarynda 1-3 gradýs úsik júredi.
Al Qyzylorda, Túrkistan, Jambyl, Mańǵystaý oblystarynyń basym bóligende, Atyraý, Batys Qazaqstan, Aqtóbe jáne Qaraǵandy oblystarynyń keı jerlerinde joǵary órt qaýipi saqtalady.
