Sársenbi kúni respýblıkanyń birqatar óńirlerinde qatty ystyq bolady
ASTANA. QazAqparat - 9 qyrkúıek kúni Qazaqstan aımaqtarynyń kóptegen bólikteri antıtsıklon sileminde bolǵandyqtan jaýyn-shashynsyz aýa raıy kútiledi, dep habarlaıdy Qazgıdromet.
Tek respýblıkanyń batysy jáne shyǵysy arqyly atmosferalyq fronttardyń ótýine baılanysty keı jerlerinde jańbyr jaýyp, naızaǵaı bolady, ońtústiktiń jáne soltústik-batystyń keı jerlerinde, jel kúsheıedi, ońtústikte shańdy daýyl soǵady, soltústiktiń keı jerlerinde túnde jáne tańerteń tuman kútiledi.
Jambyl, Ońtústik Qazaqstan, kúndiz Qyzylorda oblystarynyń keı jerlerinde shańdy daýylmen jel 15-20 m/s kúsheıedi. Batys Qazaqstan, kúndiz Atyraý, Qostanaı oblystarynyń keı jerlerinde jel 15-20 m/s kúsheıedi. Soltústik Qazaqstan oblysynyń keı jerlerinde túnde jáne tańerteń tuman kútiledi. Kúndiz Mańǵystaý oblysynda, Atyraý, Aqtóbe, Qostanaı, Aqmola, Qaraǵandy oblystarynyń keı jerlerinde qatty ystyq kútiledi.
Qyzylorda, Ońtústik Qazaqstan,oblystarynda, Batys Qazaqstan, Aqtóbe, Qostanaı, Qaraǵandy, Jambyl oblystarynyń keı jerlerinde óte joǵary órt qaýpi saqtalady.
