Sársenbi kúni respýblıkanyń basym bóliginde tuman túsedi
ASTANA. QazAqparat - 3 jeltoqsan kúni respýblıkanyń barlyq aımaqtary antıtsıklon áserinde bolǵandyqtan, aýa raıy jaýyn-shashynsyz bolady, tek batys jáne ońtústik-batysta frontaldy bólikterdiń ótýine baılanysty jaýyn-shashyn, kóktaıǵaq kútiledi. Respýblıka boıynsha keı jerlerde tuman kútiledi.
Bul týraly Qazgıdromet habarlady.
Qyzylorda, Atyraý, Batys Qazaqstan, Aqtóbe oblystarynyń keı jerlerinde tuman, kóktaıǵaq kútiledi. Shyǵys Qazaqstan oblysynyń keı jerlerinde tuman bolyp, jel 15-20 m/s kúsheıedi. Almaty oblysynyń keı jerlerinde tuman bolady, Jalańashkól aýdanynda jeldiń kúshi 17-22, ekpini 25 m/s bolady. Aqmola, Jambyl, Ońtústik Qazaqstan, Mańǵystaý, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman kútiledi.
