Sársenbi kúni ótetin Májilistiń jalpy otyrysynyń kún tártibi qalyptastyryldy
ASTANA. Qazannyń 11-i. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti. Onda Májilistiń salalyq komıtetteriniń usynýymen sársenbi kúni ótetin jalpy otyrystyń kún tártibine usynylatyn máseleler qaraldy.
Depýtattardyń talqysyna halyqaralyq mańyzǵa ıe zań jobasy usynylatyn boldy. Atap aıtqanda, «1998 jylǵy 12-nshi qazandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasynyń Reseı Federatsııasyndaǵy jáne Reseı Federatsııasynyń Qazaqstan Respýblıkasyndaǵy dıplomatııalyq ókildikteri men konsýldyq mekemelerin ornalastyrý jáne olarǵa qyzmet kórsetý sharttary týraly kelisimge ózgerister engizý týraly hattamany ratıfıkatsııalaý týraly» zań jobasy Palatanyń jalpy otyrysynyń kún tártibine shyǵarylady.
Sonymen birge Májilistiń jalpy otyrysynda Úkimetten kelip túsken jańa zań jobalaryna qorytyndy ázirleý ýaqyttary anyqtalatyn bolady. Onyń ishinde «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobasy bar. Sondaı-aq «Asbestti paıdalaný kezinde eńbekti qorǵaý týraly konventsııany (162-konventsııa) ratıfıkatsııalaý týraly», «Dońǵalaqty kólik quraldaryna, dońǵalaqty kólik quraldarynda ornatylýy jáne/nemese paıdalanylýy múmkin jabdyqtaý zattary men bólshekterge arnalǵan jahandyq tehnıkalyq erejelerdi engizý týraly kelisimdi ratıfıkatsııalaý týraly» zań jobalary boıynsha qorytyndy ázirleý merzimi aıqyndalady.
Sol sekildi «1968 jylǵy 8 qarashada Venada qol qoıý úshin ashyq Jol júrisi týraly konventsııany tolyqtyratyn Eýropalyq kelisimdi ratıfıkatsııalaý týraly», «Dúnıejúzilik poshta odaǵynyń Jarǵysyna Jetinshi qosymsha hattamany ratıfıkatsııalaý týraly» zań jobalary boıynsha qorytyndy shyǵarý ýaqyty belgilenetin bolady.
