Sársenbi kúni keı óńirlerdi tuman basyp, jaıaý burqasyn júredi
ASTANA. QazAqparat - 1 aqpan kúni el aýmaǵynyń basym bóliginde turaqsyz kún raıy saqtalady, keı jerlerde qar jaýady.
Respýblıkanyń ońtústiginde jaýyn-shashyn kútiledi. Jekelegen óńirlerde tuman, kóktaıǵaq bolyp, jel kúsheıedi.
«Qazgıdromet» RMK-nyń habarlaýynsha, Qaraǵandy, Aqmola oblystarynyń keı jerlerinde tuman bolyp, jaıaý burqasyn júredi, jeldiń ekpini 15-20 m/s kúsheıedi, Qaraǵandy oblysynyń keı jerlerinde kóktaıǵaq kútiledi.
Almaty, Qyzylorda oblystarynyń jekelegen jerlerinde tuman, kóktaıǵaq kútiledi.
Jambyl, Ońtústik Qazaqstan oblystarynyń keı aýmaqtarynda tuman, kóktaıǵaq boljanady, jel 15-20 m/s artady.
Shyǵys Qazaqstan oblysynyń jekelegen jerlerinde tuman, burqasyn kútiledi, kúndiz jel 15-20 m/s kúsheıedi.
Pavlodar oblysynyń jekelegen aýmaqtarynda kúndiz jaıaý burqasyn júrip, jeldiń jyldamdyǵy 15-20 m/s artýy yqtımal, túnde keı jerlerde tuman kútiledi.
Qostanaı, Soltústik Qazaqstan oblystarynyń keı jerlerin tuman basady.
Aqtóbe oblysynda, túnde Mańǵystaý oblysynyń keı jerlerinde jaıaý burqasyn júredi.
