Sársenbi kúni keı óńirlerdi tuman basyp, burqasyn soǵady
ASTANA. QazAqparat - 8 aqpan kúni el óńiriniń basym bóliginde atmosferalyq fronttardyń ótýine baılanysty keı jerlerde qar jaýyp, tuman, kóktaıǵaq, burqasyn bolady, jeldiń kúsheıýi saqtalady.
«Qazgıdromet» RMK-nyń habarlaýynsha, Batys Qazaqstan, Qostanaı, Soltústik Qazaqstan oblystarynyń keı jerlerinde burqasyn bolyp, jel 15-20 m/s artady.
Aqmola oblysynyń keı jerlerinde burqasyn kútiledi, tuman bolady, kúndiz jel 15-20 m/s kúsheıedi.
Almaty oblysynyń jekelegen jerlerinde túnde tuman boljanady, Jalańashkól aýdanynda 18-23 m/s ekpinmen soqqan jeldiń jyldamdyǵy 28 m/s artýy yqtımal.
Jambyl, Ońtústik Qazaqstan oblystarynyń keı aýmaqtaryn tuman basyp, kúndiz keı jerlerinde - 15-20, Jambyl oblysynda 23 m/s ekpinmen jel soǵady.
Kúndiz Qyzylorda oblysynyń keı bólikterinde kóktaıǵaq bolady, jel 15-20 m/s kúsheıedi.
Mańǵystaý oblysynda túnde jáne tańerteń keı jerlerinde tuman kútiledi.
Aqtóbe oblysynyń keı jerlerinde burqasyn bolyp, jel 18 m/s kúsheıedi.
Qaraǵandy oblystarynyń jekelegen jerlerinde tańerteń jáne kúndiz burqasyn boljanady, kúndiz jel 15-20 m/s artady.
Shyǵys Qazaqstan oblysynyń keı jerlerinde tuman kútiledi, kúndiz jeldiń jyldamdyǵy 15-20 m/s jetedi.
