Sársenbi kúni Qazaqstannyń keı aımaqtarynda qar jaýyp, boran soǵady - Qazgıdromet
ASTANA. QazAqparat - 17 jeltoqsan kúni Qazaqstannyń soltústiginde jáne shyǵysynda aýa aǵymdarynyń ótýine baılanysty turaqsyz aýa raıy saqtalady, keı jerlerde qar jaýyp, boran soǵady, tuman túsip, jel kúsheıedi. Respýblıkanyń basqa óńirlerinde kún ashyq, dep habarlaıdy Qazgıdromet.
Almaty oblysynda Jalańashkól aýdanynda ekpini 15-20 m/s bolatyn jel soǵady, ol 25 m/s deıin kúsheıedi, túnde tuman túsedi. Aqmola oblysynda keı jerlerinde tuman túsip, 15-20 m/s jel soǵady, túnde boran bolady. Qostanaı oblysynda keı jerlerinde tuman, kóktaıǵaq bolady, boran soǵady, tańerteń jáne kúndiz jeldiń ekpini 15-20 m/s deıin jetedi. Shyǵys Qazaqstan oblysynda keı aımaqtarynda tuman túsedi, kúndiz 15-20 m/s ekpinmen jel soǵady. Jambyl, Ońtústik Qazaqstan, Qyzylorda, Batys Qazaqstan, Soltústik Qazaqstan, túnde jáne tańerteń Aqtóbe, Pavlodar, Qaraǵandy oblystarynda tuman túsedi.
