Sársenbi kúni Qazaqstannyń basym bóliginde jańbyr jaýyp, keı jerlerde burshaq túsýi múmkin
ASTANA. QazAqparat - 8 maýsymda Qazaqstannyń basym bóliginde atmosferalyq aǵyndardyń ótýimen jaýyn-shashyndy aýa raıy saqtalady, respýblıkanyń batysynda keı jerlerde kúshti jaýyn jaýady. Keı jerlerde naızaǵaı jarqyldap, jel kúsheıedi, burshaq túsýi múmkin. Respýblıkanyń soltústiginde keı jerlerde tuman túsýi kútiledi. Respýblıkanyń ońtústigi men ońtústik-shyǵysynda ǵana aptap ystyq jáne kún ashyq bolady, dep habarlady "Qazgıdromet" RMK..
Jambyl, Mańǵystaý, Batys Qazaqstan, Aqtóbe, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda keı jerlerde jel 15-20 m/s-qa deıin kúsheıedi, túnde Soltústik Qazaqstan oblysynyń keı jerlerinde tuman túsedi.
Aqmola, Atyraý, Shyǵys Qazaqstan oblystarynyń keı jerlerinde jel 15-20 m/s-qa deıin kúsheıedi, burshaq túsýi múmkin.
Almaty, Jambyl oblystarynda, Ońtústik Qazaqstan oblysynyń keı jerlerinde jel 15-20 m/s-qa deıin kúsheıedi, aptap ystyq bolady.
Qyzylorda oblysynda keı jerlerde óte joǵary órt qaýpi saqtalady.
