Sársenbi kúni Qazaqstannyń basym bóliginde burqasyn bolady - Qazgıdromet
ASTANA. QazAqparat - Búgin Qazaqstannyń basym bóligi frontaldy bólikterdiń yqpalynda bolǵandyqtan, keı jerlerinde jaýyn-shashyn bolyp, burqasyn, tuman, kóktaıǵaq, jeldiń kúsheıýi kútiledi, tek batysynda aýa raıy jaýyn-shashynsyz bolady.
Bul týraly «Qazgıdromet» habarlady. Almaty oblysynyń Jalańashkól aýdanynda jel saqtalady, kúshi 18-23 m/s bolady, keı jerlerinde tuman baıqalady. Aqtóbe, kúndiz Qostanaı, Pavlodar oblystarynyń keı jerlerinde jel soǵady, kúshi 15-20 m/s, jekelegen aımaqtarynda burqasynmen. Túnde jáne tańerteń Aqmola oblysynyń keı jerlerinde tuman bolyp, tańerteń jáne kúndiz burqasynmen jel soǵady, kúshi 15-20 m/s bolady. Qaraǵandy, Mańǵystaý, Qyzylorda oblystarynyń keı jerlerinde tuman, kóktaıǵaq bolyp, jel soǵady, kúshi 15-20 m/s bolady. Jambyl oblystarynyń keı jerlerinde jel 15-20 m/s kúsheıip, túnde tuman kútiledi. Batys Qazaqstan, Soltústik Qazaqstan oblystarynyń keı jerlerinde tuman bolady. Atyraý oblysynyń keı jerlerinde tuman, kóktaıǵaq baıqalady. Ońtústik Qazaqstan oblysynda jel soǵady, kúshi 15-20 m/s. Shyǵys Qazaqstan oblysynyń keı jerlerinde jeldiń kúshi 17-22 m/s, túnde burqasynmen.
