Sársenbi kúni Qazaqstannyń 8 qalasynda aýa sapasy tómendeıdi
ASTANA. QazAqparat - «Qazgıdromet» RMK 11 sáýir kúni Qazaqstan qalalarynda aýa sapasyna yqpal etýi múmkin jaısyz meteojaǵdaılar týraly aıtty, dep habarlaıdy QazAqparat.
Aqtaý, Jańaózen, Almaty, Astana, Atyraý (kúndiz), Qostanaı, Kókshetaý, Qyzylorda, Aqsý, Ekibastuz, Pavlodar, Petropavl, Taldyqorǵan, Taraz, Óskemendegi meteojaǵdaılar atmosferadaǵy lastaýshy zattardyń ydyraýyna yqpal etedi.
Al, Aqtóbe, Atyraý (túnde), Balqash, Qaraǵandy, Temirtaý, Oral, Shymkent qalalaryndaǵy meteojaǵdaılar atmosferada lastaýshy zattardyń shoǵyrlanýyna yqpal etedi.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.
