Sársenbi kúni Qazaqstannyń 10 óńirinde qatty ystyq bolady
ASTANA. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen aýa raıynyń turaqsyz sıpaty kútilýde, ótkinshi jańbyr jaýyp, naızaǵaı oınaıdy, jel kúsheıedi, dep habarlady QR TJM baspasóz qyzmeti Qazgıdrometke silteme jasap.
Batysta, ońtústikte, ońtústik-shyǵysta ǵana kún ashyq bolady. Aqmola, Qostanaı, Shyǵys Qazaqstan, kúndiz Ońtústik Qazaqstan, Soltústik Qazaqstan, Pavlodar, Qaraǵandy, túnde Almaty oblysynda keı jerlerde jeldiń ekpini 15-20 m/s-qa deıin kúsheıedi. Mańǵystaý oblysynda keı jerlerde jel 15-20 m/s-qa deıin kúsheıip, shańdy daýyl boraıdy. Kúndiz Jambyl, Qyzylorda, Mańǵystaý, Shyǵys Qazaqstan, oblystarynda, Aqmola, Qaraǵandy, Aqtóbe, Qostanaı, Almaty, Ońtústik Qazaqstan oblystarynyń keı jerlerinde aptap ystyq bolady. Respýblıkanyń ońtústiginiń, batysynyń, soltústik-batysynyń, soltústiginiń, ońtústik-shyǵysynyń jáne ortalyǵynyń keı jerlerinde óte joǵary órt qaýpi saqtalady.
