Sársenbi kúnge aýa raıy boljamy
NUR-SULTAN. QazAqparat - 10 sáýir kúni atmosferalyq fronttardyń ótýine baılanysty respýblıkanyń ońtústiginde jáne ońtústik-shyǵysynda jańbyr, keı jerlerinde qatty jańbyr jaýady. Elimizdiń qalǵan aýmaǵynda jaýyn-shashynsyz kún raıy kútiledi. Keı jerlerde tuman saqtalady. Ońtústikte jel jyldamdyǵynyń artýy, naızaǵaı jáne burshaq boljanady, dep habarlaıdy QazAqparat.
«Qazgıdromet» RMK málimetinshe, Jambyl, túnde jáne tańerteń Túrkistan oblystarynyń keı jerlerinde jeldiń kúshi 15-20 m/s artatyny kútiledi, burshaq jaýýy múmkin.
Qaraǵandy, Almaty, Shyǵys Qazaqstan oblystarynyń jekelegen aýmaqtarynda jeldiń ekpini 15-20 m/s artýy yqtımal.
Shyǵys Qazaqstan oblysynyń keı jerlerinde tuman boljanady.
Mańǵystaý, Batys Qazaqstan, Soltústik Qazaqstan oblystarynyń keı jerlerinde, sondaı-aq tuman kútiledi.
