Sársenbi eldiń batysynan ózge óńirlerde jaýyn-shashynsyz ótedi - Qazgıdromet
TANA. 30 qarasha. QazAqparat - Sársenbi kúni Qazaqstannyń batys aýmaǵynda jaýyn-shashyn, tuman, kóktaıǵaq pen uıytqyma jel kútiledi, eldiń qalǵan bólikterinde kún jaýyn-shashynsyz ótedi.
Bul týraly «Qazgıdromet» qyzmetinen málim etti.
Atap aıtqanda, Mańǵystaý, Batys Qazaqstan oblystarynyń keı jerlerinde tuman, kóktaıǵaq, 15-20 m/s jyldamdyqta jel boljanýda.
Atyraý oblysynyń jekelegen aýmaqtaryna tuman túsip, sekýndyna 15-20 metr kúshpen jel soǵady.
Aqtóbe oblysynda burqasyndatyp, 15-20 m/s ekpinde jel turady, kúndiz kóktaıǵaq bolýy yqtımal.
Qostanaı oblysynda sondaı-aq, burqasyndy, 18-20 m/s jyldamdyqta jel kútilýde.
Al Almaty, Jambyl, túnde Ońtústik Qazaqstan, Aqmola, Shyǵys Qazaqstan oblystarynyń keı óńirlerin tuman basady.
