Sársenbi - 2 qazanǵa arnalǵan aýa raıy boljamy
ASTANA. QazAqparat - 2 qazan kúni Qazaqstan terrıtorııasynyń basym bóliginde turaqsyz aýa raıy saqtalady, keı jerlerinde jaýyn-shashyn bolady, tek ońtústikte, ońtústik-shyǵysta jaýyn-shashynsyz aýa raıy boljanady.
Jekelegen aýmaqtarda tuman, kóktaıǵaq bolady, jeldiń ekpini 15-23 m/s kúsheıedi, dep habarlaıdy QazAqparat «Qazgıdrometke» silteme jasap.
Atap aıtqanda, Aqmola, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman, kóktaıǵaq bolady, jeldiń jyldamdyǵy 15-20 m/s kúsheıedi.
Jambyl oblysynyń keı aýmaqtarynda tuman, kóktaıǵaq kútiledi, jel ekpini 15-20 m/s kúsheıedi.
Ońtústik Qazaqstan, Shyǵys Qazaqstan oblystarynyń jekelegen jerlerinde jel 15-20 m/s kúsheıdi.
Almaty oblysynyń Jalanashkól aýdanynda jeldiń jyldamdyǵy 15-20 m/s kúsheıedi.
Atyraý, Aqtóbe oblystarynyń keı aýmaqtarynda tuman, kóktaıǵaq boljanady.
Qyzylorda, Mańǵystaý, Batys Qazaqstan oblystarynyń jekelegen bólikterinde tuman kútiledi.
