Sársen Quranbek Shymkent qalasy ákiminiń orynbasary qyzmetine taǵaıyndaldy
Búgin QR Prezıdenti Ákimshiliginiń kelisimi boıynsha, Shymkent qalasy ákiminiń ókimimen Sársen Quranbek Shymkent qalasy ákiminiń orynbasary qyzmetine taǵaıyndaldy, dep habarlaıdy Kazinform.
Sársen Abaıuly 1976 jyly Almaty oblysy Kerbulaq aýdany Qyzyljar aýylynda týǵan.
Ál-Farabı atyndaǵy Qazaq ulttyq memlekettik ýnıversıtetin bitirgen. Sondaı-aq qazaqtyń sport jáne týrızm akademııasy men «Qaztutyný» odaǵy Qaraǵandy ekonomıkalyq ýnıversıtetiniń túlegi. Mamandyǵy – fılosofııa, dene shynyqtyrý mádenıetiniń oqytýshysy, karate jattyqtyrýshysy, quqyqtanýshy.
Sársen Abaıuly eńbek jolyn 1995 jyly Almaty qalasyndaǵy «№ 4 olımpıadalyq rezervtegi mamandandyrylǵan balalar-jasóspirimder mektebi» memlekettik kommýnaldyq qazynalyq kásipornynyń jattyqtyrýshy-oqytýshysy bolyp bastady.
2003–2023 jyldar aralyǵynda jeke sektorda jáne ortalyq memlekettik organdarda jaýapty basshylyq qyzmetter atqardy.
2023 jyldyń aqpan aıynan bastap búginge deıin Mádenıet jáne sport vıtse-mınıstri laýazymynda eńbek etti.
