Sársen Quranbek Shymkent qalasy ákimdiginiń resmı ókili bolyp bekitildi

ShYMKENT. KAZINFORM — Ol ári qala ákiminiń orynbasary qyzmetin qosa atqarady.

Shymkent qalasy ákimdiginiń baspasóz qyzmeti taratqan aqparatqa súıensek, aldaǵy ýaqytta qala ákimdiginde apta saıyn buqaralyq aqparat quraldarynyń qatysýymen brıfıng ótkizilip, megapolıstiń damýyna qatysty ózekti máseleler talqylanatyn bolady. Onda basty baıandamashy róli Sársen Quranbekke júktelip otyr. 

Alǵashqy brıfıng 5 naýryz, sársenbi kúni saǵat 11:00–de «Kórme» kórme ortalyǵyndaǵy uıymdastyrylmaq. Oǵan qatysý úshin BAQ ókilderi qalalyq ishki saıasat basqarmasynan akkredıtatsııadan ótýi tıis. 

Sársen Abaıuly 1976 jyly Almaty oblysy Kerbulaq aýdany Qyzyljar aýylynda týǵan.

Ál-Farabı atyndaǵy Qazaq ulttyq memlekettik ýnıversıtetin bitirgen. Sondaı-aq qazaqtyń sport jáne týrızm akademııasy men «Qaztutyný» odaǵy Qaraǵandy ekonomıkalyq ýnıversıtetiniń túlegi. Mamandyǵy – fılosofııa, dene shynyqtyrý mádenıetiniń oqytýshysy, karate jattyqtyrýshysy, quqyqtanýshy.

Sársen Abaıuly eńbek jolyn 1995 jyly Almaty qalasyndaǵy «№ 4 olımpıadalyq rezervtegi mamandandyrylǵan balalar-jasóspirimder mektebi» memlekettik kommýnaldyq qazynalyq kásipornynyń jattyqtyrýshy-oqytýshysy bolyp bastady.

2003–2023 jyldar aralyǵynda jeke sektorda jáne ortalyq memlekettik organdarda jaýapty basshylyq qyzmetter atqardy.

2023 jyldyń aqpan aıynan bastap 8 qarashaǵa deıin Mádenıet jáne sport vıtse-mınıstri laýazymynda eńbek etti.

2023 jyldyń 8 qarashasynan bastap Shymkent qalasy ákiminiń orynbasary qyzmetine taǵaıyndaldy.

Buǵan deıin Aıbek Smadııarov Qazaqstan SІM Halyqaralyq aqparat komıtetiniń tóraǵasy – Resmı ókili bolyp taǵaıyndalǵanyn jazdyq.