Sarkozıge shabýyl jasaǵan adam shartty túrde alty aıǵa sottaldy
ASTANA. 2 shilde. QazAqparat - Frantsııanyń ońtústik-batysynda ornalasqan Ajen qalasynyń soty Frantsııa Prezıdenti Nıkolıa Sarkozıge shabýyl jasamaq bolǵan Erman Fıýsterdi shartty túrde alty aıǵa bas bostandyǵynan aıyrdy,
dep habarlaıdy Ýtro.rý agenttigi.
Sondaı-aq E.Fıýsterdi memlekettiń adamyna shabýyl jasaǵany úshin aıypty dep tanyǵan sot oǵan aýrýhanadaǵy mindetti qaralýmen úsh jylǵa synaq merzimin bekitip, 45 myń eýro kóleminde aıyppul saldy.
Oqıǵa beısenbi, 29 maýsym kúni Frantsııa Prezıdenti jergilikti qala merleriniń bas assambleıasyna qatysý úshin eldiń ońtústik-batysyndaǵy Brana qalasyna kelgende bolǵan. Frantsýzdyń barlyq telearnalarynda kórsetilip shyqqan beınematerıalda el prezıdenti ony qarsy alýǵa jınalǵan qala azamattarynyń qolyn ala bastaǵanda belgisiz bireý Sarkozıdi ıyǵynan alyp, ony qorshaýǵa tartyp ketpek bolǵany anyq kórinedi. Frantsııanyń memleket basshysy teńdikti saqtaı almaı, áreń degende qulamaı qalǵan. Sol sátte qorǵaýshylar shabýyl jasaǵan adamdy ustap, jerge jatqyzǵan. Sarkozı sabyrlylyq saqtap, is-sharany ary qaraı jalǵastyra bergen.
Frantsýzdyń BAQ-tar taratqan aqparatqa júginsek, Ajen qalasynyń mýzykalyq-bı ýchılışesinde qoımashy bolyp isteıtin 32 jastaǵy Erman Fıýster Sarkozıge shabýyl jasaý arqyly Frantsııa belsendi at salysyp jatqan Lıvııadaǵy áskerı operatsııaǵa qatysty óz kózqarasyn bildirmek bolǵan. Frantsııa Prezıdenti ózine tap bergen er azamattyń ústinen aryz jazbaıtyndyǵyn aıtyp otyr.
