Sarkozı prezıdent saılaýynyń alǵashqy aınalymynan-aq negizgi qarsylasyna jol berdi
ASTANA. 24 sáýir. QazAqparat - Frantsııanyń qazirgi prezıdenti Nıkolıa Sarkozı jeksenbide ótken prezıdent saılaýynyń alǵashqy aınalymynan keıin óziniń negizgi qarsylasy Fransýa Ollandqa jol berdi,
dep habarlaıdy BNews.kz.
Naqtylanǵan málimetterge sáıkes, Ollandqa saılaýshylardyń 27,95%-y, Sarkozıge - 26,86%-y daýys berdi.
Úshinshi nátıje Ulttyq maıdan kóshbasshysy Marın Le Penniń enshisinde. Ol 19,06% daýys jınady. Bul kórsetkish osy partııanyń birneshe jyldarǵa sozylatyn saılaýǵa qatysý tarıhyndaǵy eń rekordtyq jetistigi.
Saılaý qorytyndysy boıynsha, 22 sáýirde Frantsııadaǵy prezıdent saılaýynyń ekinshi aınalymyna Sotsıaldyq partııa atynan usynylǵan kandıdat Fransýa Olland pen qazirgi prezıdent Nıkolıa Sarkozı ótti, dep habarlaıdy aqparattyq agenttikter saılaý ýchaskesinen shyqqandar arasynda júrgizilgen saýalnamanyń resmı málimetterine súıene otyryp.
Prezıdent saılaýynyń ekinshi aınalymy 6 mamyrda ótedi.
