Sarkozı musylmandar frantsııalyq qoǵamǵa sińisýi qajet dep esepteıdi
BRıÝSSELЬ. Qazaqparat - Frantsııanyń burynǵy prezıdenti jáne memleket basshysy laýazymyna úmitker Nıkolıa Sarkozı dúısenbi kúni «Evropa-1» radıo stansasy efırinde musylmandardan frantsııalyq qoǵamǵa sińisýi qajettigin aıtty.
Nıkolıa Sarkozı Monten Instıtýty júrgizgen zertteýge qatysty málimdeme jasady. Oǵan sáıkes, Frantsııada turatyn musylmandardyń 29% eldiń zańyn moıyndamaı, sharıǵat normalaryna sáıkes júrýdi jón sanaıdy.
«Respýblıkalyq ıntegratsııa jumys istemegen, qazir de istep jatqan joq. Assımılıatsııaǵa (bir halyqtyń ekinshi halyqqa sińisip ketýshiligi - red.) kóshý kerek. Sharıǵatty ǵana basshylyqqa alatyn qoǵamnyń 29% asyraı almaımyz, bul jaýapsyzdyq», - dedi Sarkozı.
Prezıdenttikke úmitker frantsııalyq qoǵamda musylmandardyń qoǵamǵa sińisý úderisin keń talqylanýyn qoldap, ıslamofobııa aıybynan qoryqpaýǵa shaqyrdy.
«Bul (musylmandar men lańkester arasyndaǵy - red.) durys emes. Alaıda, barlyǵy birige alady. Meniń túsinigimde «Islam» sózin aıtsań bitti bári ıslamofobııa dep shyǵady. Osy durys pa?», - dedi Nıkolıa Sarkozı.
