Sarkozı men Merkel Eýropany uzaq merzimdi daǵdarystan qutqarý máselesin talqylady
ASTANA. 17 tamyz. QazAqparat - Keshe Frantsııa Prezıdenti Nıkolıa Sarkozı Parıjde uzaq merzimdi daǵdarys kezeńinde eýro aımaǵyn qutqarý jónindegi kúrdeli qadamdardy kelisý úshin Germanııa kantsleri Angela Merkeldi qabyldady,
dep habarlaıdy Euronews.
VESTI.ru habarlaǵandaı, olar eýro aımaǵyndaǵy jáne Eýroodaq elderiniń bırjalaryndaǵy jaǵdaıdy turaqtandyrý jóninde múmkin sharalardy talqylady. Sarapshylardyń pikirinshe, kez kelgen qabyldanǵan shara baǵa belgileý jáne bırjalyq alańdardyń iskerlik belsendiligi deńgeıine sózsiz áser etedi.
Bastapqyda Parıj ben Berlın memlekettik qaryzdardy odan ári óteýge qatysty EO tarapynan kepildik quratyn eýrooblıgatsııalar shyǵarý jóninde biryńǵaı baǵyt ustanady dep josparlandy.
Degenmen kezdesýge bir kún qalǵanda german bıligi óz bıýdjetine qosymsha salmaq túsedi degen qaýippen, resmı túrde bul baǵaly qaǵazdar «jaǵdaıdy jaqsartýdyń durys jáne naqty joly» emes dep málimdedi.
Naryqtar eýroaımaq ekonomıkasynyń jetekshi eki kóshbasshysynyń kezdesý qorytyndysyn taǵatsyzdana kútip otyr.
