Sarkozı kásipodaqtarmen kelissóz júrgizýden bas tartty
ASTANA. Qazannyń 21-i. QazAqparat - Frantsııada sońǵy kezde úlken daý týǵyzyp otyrǵan zań jobasy búgin Senattyń daýys berýine shyǵarylady. Ol sońǵy bir apta boıy jalǵasyp otyrǵan ereýilderge sebep bolǵan zeınetaqy reformasyna qatysty zań jobasy, dep habarlaıdy «Maıak» radıosy.
Elde temirjol jáne qala kólikteriniń jumystary buzyldy. Ereýilshiler munaı ónimderi saqtalatyn qoımalardy qorshap alǵandyqtan, eldegi maı quıý stansalarynyń shırek bóligine benzın jetkizilmeı otyr. Kásipodaqtar eldi elektr qýatynsyz jáne gazsyz qaldyratyndaryn aıtyp, qoqan-loqy jasaýda.
Solshyldar oppozıtsııasy Sarkozıge zań jobasynyń qaralýyn ýaqytsha toqtatyp, kásipodaqtarmen kelissózderdi bastaý týraly usynys jasady. Biraq prezıdent bul usynysty qabyldamaı otyr. Qazir Senat ǵımaraty polıtsııanyń kúsheıtilgen kúzetinde.
Jańa zań jobasyndaǵy halyqtyń narazylyǵyn týǵyzyp otyrǵan másele - zeınet jasynyń 60-tan 62 jasqa deıin kóterilýi bolyp otyr.
