Sarkozı bılikke qaıta kelse Frantsııany EO-dan shyǵarýdy josparlap otyr
ASTANA. QazAqparat - Frantsııanyń burynǵy prezıdenti Nıkolıa Sarkozı bılikke qaıta kelgen jaǵdaıda eldiń Eýropalyq odaqtan shyǵýyna qatysty referendým ótkizýi múmkindigin joqqa shyǵarmady, dep habarlady «RIA Novostı» BFMTV telearnasyna silteme jasap.
Buǵan deıin Frantsııanyń EO-daǵy músheligine qatysty referendým máselesin "Ulttyq maıdan" partııasynyń kóshbasshysy Marın Le Pen ǵana kótergen bolatyn.
2007-2012 jyldary Frantsııany basqarǵan Sarkozı tamyz aıynyń sońynda 2017 jylǵy prezıdenttik saılaýǵa óz kandıdatýrasyn usynatynyn málimdedi.
Eske salaıyq, 2016 jyldyń 23 maýsymynda Brıtanııanyń EO-dan shyǵýyna qatysty referendým aıaqtalǵan bolatyn. Úkimet Odaqtan 2019 jyldyń basynda shyǵýdy josparlap otyr. Biraq Eýropanyń joǵary shendileri Brıtanııa alda kezdesýi múmkin bıýrokratııaǵa baılanysty Frexit-ti sońyna deıin jetkize alatynyna kúmán bildirdi.
VVS-diń aqparatyna súıensek, EO tarıhynda úsh memleket qana onyń quramynan shyqqan - Grenlandııa, Aljır, karıb araly Sen-Bartelmı.
