Sarkozı 2007 jyly Kaddafı qarjysyn paıdalandy degen aqparat taratqan agenttikti sotqa berdi
ASTANA. 2 mamyr. QazAqparat - 2007 jyly Frantsııa prezıdentiniń saılaýaldy kompanııasyn Mýamar Kaddafı qarjylandyrdy degen aqparat taratqan «Medıapart» táýelsiz aqparat agenttigin Nıkolıa Sarkozı sotqa berdi.
Parıj prokýratýrasy dúısenbide jalǵan málimet taratý aıyptaýy boıynsha tekserýlerge kiristi, dep habarlady ITAR-TASS agenttigi.
Ótken aptada «Medıapart» Nıkolıa Sarkozıdiń saılaýaldy qajettiligine 50 mln. eýro kóleminde qarjy bólingendigi jaıynda qujatty jarııalady.
«Bul masqara. Mýamar Kaddafıdiń uly men arnaıy qyzmetine senetin jýrnalısterdiń bar bolǵandyǵyn kózge elestetý qıyn»,-dedi Frantsııa prezıdenti. Memleket basshysynyń pikirinshe, óz maqsatyna paıdalaný turǵysyndaǵy osyndaı derekterdi taratý Sotsıalıstik partııanyń saıası opponentteriniń tarapynan uıymdastyrylǵan aıla bolyp tabylady.
