Sarqytbaı Qusaıynov Jetisý oblysy Polıtsııa departamentiniń basshysy bolyp taǵaıyndaldy
TALDYQORǴAN. KAZINFORM – Prezıdent Ákimshiliginiń kelisimi boıynsha QR Іshki ister mınıstrliginiń buıryǵymen Jetisý oblysy Polıtsııa departamentiniń bastyǵy laýazymyna polıtsııa polkovnıgi Sarqytbaı Zákiruly Qusaınov taǵaıyndaldy.
Polıtsııa polkovnıgi Qusaıynov 1973 jyldyń 22 qyrkúıeginde Almaty qalasynda dúnıege kelgen. Іshki ister organdarynda qyzmetin 1995 jyldan bastaǵan.
Eńbek jolyn jedel ýákilden bastaǵan ol ártúrli basshylyq laýazymdarda qyzmet atqarǵan. Osy ýaqytqa deıin QR ІІM Esirtki qylmysyna qarsy is-qımyl departamenti bastyǵynyń orynbasary boldy.
Esterińizge sala keteıik, Departamenttiń jeke quramy arasyndaǵy moraldyq-psıhologııalyq ahýaldy nyǵaıtý jáne oblys aýmaǵyndaǵy jedel jaǵdaıdyń turaqtylyǵyn saqtaý maqsatynda 2023 jyldyń 15 qarashasynan bastap QR Іshki ister mınıstriniń nusqaýymen óńir polıtsııasyn ýaqytsha Arman Sadanov basqardy.
Qazirgi ýaqytta polıtsııa general-maıory Arman Sadanov QR ІІM Ózindik qaýipsizdik departamentin basqarýda.
