«Saryózek — Kóktal» tasjolyndaǵy jol apatynan alty adam qaza tapty
ASTANA. KAZINFORM — Jetisý oblysyndaǵy «Saryózek — Kóktal» avtojolynda bolǵan jol-kólik oqıǵasynan alty adam qaza tapty, dep habarlaıdy Kazinform agenttiginiń tilshisi.
Apat avtojoldyń 110-shaqyrymynda bolǵan. Jol-kólik oqıǵasy kezinde eki Chevrolet Cobalt avtokóligi soqtyǵysqan.
Aldyn ala málimet boıynsha, kólikterdiń biriniń júrgizýshisi qarsy qozǵalys jolaǵyna shyǵyp ketken. Sonyń saldarynan ol qarsy baǵytta kele jatqan avtokólikpen soqtyǵysqan.
Apat saldarynan alty adam oqıǵa ornynda qaza tapty. Taǵy bir adam túrli jaraqat alyp, medıtsınalyq mekemege jetkizildi.
— Jol-kólik oqıǵasy boıynsha qylmystyq is qozǵaldy. Qazirgi ýaqytta bolǵan oqıǵanyń barlyq mán-jaıyn anyqtaý maqsatynda sotqa deıingi tergeý júrgizilip jatyr, — dep habarlady oblystyq polıtsııa.
Quqyq qorǵaý organdary júrgizýshilerdi jol qozǵalysy erejelerin qatań saqtaýǵa, belgilengen jyldamdyqty asyrmaýǵa jáne kólik basqarý kezinde jol men aýa raıy jaǵdaıyn eskerýge shaqyrdy.
Buǵan deıin Shymkent — Badam tasjolynda bir otbasynyń úsh múshesi jol apatynan qaza tapqany habarlanǵan edi.
