12:30, 26 Aqpan 2025 | GMT +5
«Saryarqa» saýda ortalyǵyndaǵy órt oqshaýlandy – Tótenshe jaǵdaılar mınıstrligi
ASTANA. KAZINFORM – Elordalyq órt sóndirýshiler «Saryarqa» saýda ortalyǵyndaǵy órtti oqshaýlady. Bul týraly QR Tótenshe jaǵdaılar mınıstrligi habarlady.

— Órt saýda ortalyǵynyń bas ǵımaratyna jalǵasatyn 2 qabatty ǵımaratta jáne ǵımarattyń jabynynda shyqqan. Qurylys materıaldaryn taldaý men sý tógý jumysy júrgizilýde, - delingen habarlamada.

Vedomstvo zardap shekkender týraly aqparat túspegenin atap ótti.
Órtti sóndirýge 10 birlik tehnıka jáne 50-ge jýyq jeke quram jumyldyryldy. Órt 50 sh.m. alańda joıyldy, - dep habarlady vedomstvo ókilderi.

Oqıǵa ornynda TJM ÓQQK tóraǵasynyń orynbasary Qanat Dospaev jumys istep jatyr.