Saryaǵashtyq oqýshyǵa Prezıdent syılyq joldady
TÚRKІSTAN. KAZINFORM - Saryaǵash aýdanyndaǵy S.Toraıǵyrov mektebiniń 4 synyp oqýshysy Hıýaz Arshabaı el Prezıdentinen arnaıy syılyq aldy.

Áleýmettik jeliden «Prezıdent balalardyń armanyn oryndaıdy» degen jazbany oqyǵan ol, óz armanyn hatqa túsirip, Memleket basshysyna joldaǵan. Arada birshama ýaqyt ótkende jetkinshek Qasym-Jomart Toqaevtyń syılyǵyna ıe boldy.
Hıýaz — kópbalaly otbasyndaǵy altynshy qyz. Ol tek oqý úlgerimi jaǵynan ǵana emes, shyǵarmashylyq jáne ıntelektýaldyq qabiletterimen de erekshelenedi. Baýyrlarynyń barlyǵy da óner-bilimge bir taban jaqyn, izdenimpaz.

Prezıdentke jazǵan hatynda jetkinshek baýyrlaryna noýtbýk suraǵan. Sonymen qatar memleket basshysymen kezdesýdi qalaıtynyn jetkizipti.
Arnaıy Hıýaz Arshabaı úshin Elordadan kelgen syılyqty Túrkistan oblystyq bilim basqarmasynyń mamandary tabystady. Prezıdenttiń bul jaýaby Hıýazdy úlken qýanyshqa keneltti.

Aıta keteıik, budan buryn aýyl men qala mektebindegi bilim alshaqtyǵy qaıtkende joǵalatynyn jazǵan bolatynbyz.