Saryaǵashtyq oqýshy álemniń 36 jetekshi ýnıversıtetinen shaqyrtý aldy

TÚRKІSTAN. KAZINFORM — Saryaǵash aýdanyna qarasty № 7 Tóle bı atyndaǵy jalpy bilim beretin mekteptiń 11-synyp oqýshysy Aqjúnis Atahan álemniń 36 bedeldi ýnıversıtetinen oqýǵa shaqyrtý aldy.

Aqjúnis úzdiksiz izdenistiń arqasynda eleýli jetistikke qol jetkizdi. Ol AQSh, Kanada, Dýbaı, Túrkııa jáne Malaızııadaǵy joǵary oqý oryndaryna qujat tapsyryp, barlyǵynan shaqyrtý aldy. Onyń ishinde Amerıka Qurama Shtattarynyń 17, Dýbaıdyń 5, Túrkııanyń 6, Malaızııanyń 5 ýnıversıteti oǵan arnaıy grant usynsa, Kanadanyń bir ýnıversıteti prezıdenttik stıpendııamen oqýǵa qabyldaǵan.

— Ulttyq biryńǵaı testileýde 111 ball jınaǵan Aqjúnis halyqaralyq qatynastar mamandyǵyn tańdap otyr. Ol — atalǵan bilim ordasynan sheteldik joǵary oqý oryndarynan kóp shaqyrtý alǵan alǵashqy oqýshy.Aqjúnis Atahan aldaǵy ýaqytta halyqaralyq deńgeıde bilim alyp, el damýyna óz úlesin qosýdy maqsat etedi, — delingen Túrkistan oblysy bilim basqarmasynyń baspasóz qyzmeti taratqan aqparatta. 

Aıta keteıik, budan buryn Túrkistan oblysynyń oqýshysy UBT-dan eń joǵary 140 upaı jınaǵanyn jazǵan bolatynbyz.