Saryaǵashtaǵy medrese-kolledjge memleket esebinen 1 mlrd 600 mln teńgeden astam qarjy bólingen
TÚRKІSTAN. KAZINFORM - Oqý ornynda Islamtaný, Imam-hatıb, Ustaz mamandyqtary boıynsha shákirt tárbıelenedi.
Áleýmettik jelide Saryaǵash medrese kolledjine memleket tarapynan qarjy bólinetindigi jóninde aqparat tarady. Onda Túrkistan oblystyq bilim basqarmasy jyl saıyn oqý ornyna 200 mln teńgeden astam qarjy bóletindigi aıtylǵan.
Atalǵan jaǵdaıǵa qatysty pikir bildirgen Túrkistan oblystyq bilim basqarmasynyń baspasóz qyzmeti medrese kolledjdiń memleket esebinen qarjylandyrylyp kelgenin rastady.
- Memlekettik bilim berý standarttaryna sáıkes, dinı senimine qaramastan, bilim berý uıymdary memlekettik qoldaýdy, onyń ishinde granttardy alýǵa quqyly. Osy maqsatta Saryaǵash medrese-kolledjine 2018-2024 oqý jyldary aralyǵynda jalpy memlekettik bıýdjet qarajatynan 1 mlrd 600 mln teńgeden astam bólindi. 2018-2025 jyl aralyǵynda jalpy 900 orynǵa grant bólingen.
Aıta keterligi, medresede Islamtaný mamandyǵy, Imam-hatıb biliktiligi, Ustaz mamandyqtary boıynsha shákirt tárbıelenedi, - delingen basqarma aqparatynda.
Aıta keteıik, budan buryn Túrkistan oblysynda meshitte balalarǵa aıaǵyn ýqalatqan ımam kópshiliktiń ashýyn týǵyzǵan bolatyn.