Saryaǵashtaǵy 3 jasar qyzdyń ólimi: Oqıǵaǵa kámeletke tolmaǵan jerlesiniń qatysy bolýy múmkin
TÚRKІSTAN. KAZINFORM - Dárethanadan tabylǵan 3 jastaǵy qyzdyń ólimine qatysty tergeý jalǵasyp jatyr. Túrkistan oblysy Polıtsııa departamentiniń baspasóz qyzmeti oqıǵaǵa qatysty tyń málimetti jarııalady.
Polıtsııa qyzmetkerleri tergeý is-sharalary barysynda atalǵan oqıǵaǵa kámeletke tolmaǵan kúdiktiniń qatysy bolýy múmkin ekendigin anyqtady. Anyqtalǵan jaǵdaılarǵa baılanysty jáne kúdiktiniń psıhologııalyq jaǵdaıyn eskere otyryp, ol mamandandyrylǵan medıtsınalyq mekemege ornalastyryldy.
«Qazirgi ýaqytta istiń barlyq mán-jaılaryn tolyq jáne jan-jaqty anyqtaýǵa baǵyttalǵan sotqa deıingi tergeý jumystary júrip jatyr. Polıtsııa aqıqatty anyqtaýǵa jáne zańdy sheshim qabyldaýǵa bar kúshin salady», - delingen Túrkistan oblysynyń polıtsııa departamenti baspasóz qyzmeti taratqan aqparatta.
Aıta keteıik, budan buryn Saryaǵash aýdanynda 3 jasar qyzdyń denesi dárethanadan tabylǵan bolatyn.
