Saryaǵashta jer máselesin kótergen jergilikti depýtatty úıiniń aldynda uryp ketti
Saryaǵashta jer máselesin kótergen jergilikti depýtatty úıiniń aldynda uryp ketti, dep habarlaıdy Kazinform.
Áleýmettik jelide Saryaǵash aýdanynda bolǵan janjal týraly aqparat tarady.
Onda jergilikti depýtat áleýmettik nysandar salý úshin bos jatqan jerlerdi memleket menshigine ótkizý máselesin kótergen.
Sodan túnde úıine kelgen bir top adam, syrtqa shyǵaryp soqqyǵa jyqqan. Buzaqylardyń bul áreketi kóshedegi kameraǵa túsip qalǵan.
Al Túrkistan oblystyq polıtsııa departamentiniń baspasóz qyzmeti Saryaǵash aýdandyq polıtsııa bóliminiń polıtseıleri jergilikti turǵynnyń habarlamasy boıynsha sotqa deıingi tergeý júrgizip jatqandyǵyn málimdedi.
«7 qazan saǵat 3:20 shamasynda polıtsııaǵa erler arasynda týyndaǵan janjal týraly habar tústi. Janjal kezinde olardyń biri ekinshisin uryp, múlikti búldirgen. Oqıǵa ornyna jedel-tergeý toby shyqty. Qazirgi ýaqytta QR QK 293-baby jáne 202-baby 1-bóligi boıynsha sotqa deıingi tergeý júrip jatyr. Jábirlenýshige qatysty saraptama taǵaıyndaldy. Zattaı dálel retinde beınejazba alyndy. Bolǵan oqıǵanyń barlyq mán-jaıy anyqtalyp jatyr. Óz kezeginde azamattarǵa tek resmı derekkózge súıenýge jáne jalǵan aqparat taratýdan aýlaq bolýǵa keńes beremiz» delingen vedomstva tarapynan taratylǵan aqparatta.
