Saryaǵashta 7 jylǵa sottalǵan Ulybrıtanııa azamaty apellıatsııalyq shaǵym berdi
Saryaǵashta sot sheshimimen 7 jylǵa sottalǵan Ulybrıtanııa azamaty apellıatsııalyq shaǵym túsirdi, dep habarlaıdy Kazinform.
Ózimen birge psıhotropty zat alyp júrdi dep aıyptalǵan Ulybrıtanııa azamaty Jibek joly shekara beketine ustalǵan bolatyn.
Sottalýshynyń kinási sotqa deıingi tergeý barysynda jáne sot otyrysynda berilgen kýágerlerdiń aıǵaqtarymen, sondaı-aq sot tergeýinde zerttelgen qylmystyq is materıaldarymen rastalǵan.
Ol sot úkimimen QR QK 286-baby 2-tarmaǵynyń 5-tarmaǵynda kózdelgen qylmys jasaǵany úshin kináli dep tanylyp, 7 jylǵa bas bostandyǵynan aıyrylǵan.
«Sottalǵan er adam sot úkimimen kelispeı apellıatsııalyq shaǵym berdi. Búgingi kúni is Túrkistan oblystyq sotynyń qylmystyq alqasynda qaralyp jatyr» delingen Túrkistan oblysy sotynyń baspasóz qyzmeti taratqan aqparatta.
