Saryaǵashta múgedektigi bar balany edende súıregen qyzmetkerge qatysty qylmystyq is qozǵaldy
TÚRKІSTAN. KAZINFORM - Jetkinshek daýn sındromymen naýqastanǵan.
Áleýmettik jelide taraǵan aqparatqa súıensek, jekemenshik ortalyqta tárbıelenip jatqan er balany art-terapevt edende aıaǵynan súıregen.
Sondaı-aq, buryshqa turǵyzyp, fızıkalyq kúsh qoldanǵan. Mekeme qyzmetkeriniń bul áreketi vıdeo arqyly kópshilikke tarap ketti.
Al, Túrkistan oblysy polıtsııa departamentiniń baspasóz qyzmeti atalǵan faktige qatysty QR QK-niń 140-baby «Kámeletke tolmaǵan balany tárbıeleý jónindegi mindetterdi oryndamaý» boıynsha qylmystyq is qozǵalǵandyǵyn málimdedi.
- Oqıǵaǵa qatysýshylar polıtsııaǵa jetkizilip, onyń ishinde zańdy ókilderiniń qatysýymen jaýaptar alyndy. Qazirgi ýaqytta barlyq mán-jaılardy anyqtaýǵa baǵyttalǵan qajetti is-sharalar júrgizilýde, nátıjesi boıynsha tıisti sheshim qabyldanatyn bolady.
Sondaı-aq buǵan deıin polıtsııaǵa osy fakt boıynsha eshkim aryz-shaǵym túsirmegeni anyqtaldy. Іs Túrkistan oblysy Polıtsııa departamenti basshylyǵynyń baqylaýynda, - delingen aqparatta.
Aıta keteıik, budan buryn Túrkistan oblysynda qyzǵaldaq julǵan turǵynǵa qatysty qylmystyq is qozǵalǵandyǵyn jazǵan bolatynbyz.