Saryaǵashta múgedek jigitke májbúrlep nesıe aldyryp, artynan pyshaqtap ketken

TÚRKІSTAN. KAZINFORM — 19 jastaǵy jigittiń máıiti kóshede eki kún boıy jatyp qalǵan.

пышақтады
Фото: Freepik

Áleýmettik jelide taraǵan aqparatqa súıensek, oqıǵa 20 aqpan kúni bolǵan. Ekinshi top múgedegi, 19 jastaǵy jigitti aýyl buzaqylary adam aıaǵy baspaıtyn jerge alyp baryp, 14 jerinen pyshaqtap ketken. Al, máıitti aýyl shopyry araǵa eki kún salyp taýyp alǵan. Sodan polıtsııaǵa habar beripti. 

Kúdikti áskerı adam bolǵan. Ol qylmys oryn almas buryn jábirlenýshi jigitke májbúrli túrde nesıe aldyrǵan.

QR ІІM Ońtústik óńirlik áskerı tergeý basqarmasynyń Shymkent bóliminiń bastyǵy, podpolkovnık A. S. Belibaev atalǵan jaǵdaıǵa qatysty kúdikti ustalǵanyn, qazirgi tanda sotqa deıingi tergep-tekserý júrgizilip jatqanyn jetkizdi.

— Qazaqstan Respýblıkasy ІІM Ońtústik óńirlik Áskerı-tergeý basqarmasy Shymkent bóliminiń óndirisinde Qazaqstan Respýblıkasy Qylmystyq kodesiniń 99-baby 1-bóligimen kózdelgen № 2551544031000151 sanymen adam óltirý deregi boıynsha qylmystyq is tergelýde. Osy qylmystyq quqyq buzýshylyqty jasaǵan kúdikti anyqtalyp, QR QPK-niń 128-131 baptarynyń tártibimen ustaldy jáne kúdiktige qatysty tergeý soty 2 aı merzimge «qamaýda ustaý» túrindegi bultartpaý sharasy qoldanyldy. Qazirgi tanda sotqa deıingi tergep-tekserý jalǵasýda. Sotqa deıingi tergep-tekserýdiń basqa da derekteri QR QPK-niń 201-babyna sáıkes jarııa etilmeıdi, — delingen aqparatta. 

Aıta keteıik, budan buryn terrorızmdi nasıhattaǵan kentaýlyq 7 jylǵa sottalǵanyn jazǵan bolatynbyz.

Сейчас читают