Saryaǵashta medıatsııa tártibimen tatýlasýshylar kóbeıgen
TÚRKІSTAN. KAZINFORM - Saryaǵash aýdandyq sotynyń sýdıalary aýdan turǵyndarymen kezdesti. Jıynǵa medıatorlar men aýyldyq okrýg ákimderi de qatysty.
Jıynǵa tóraǵalyq etýshi A.Malaeva dóńgelek ústeldi ashyp, aýyl okrýg ákimderine qazirgi tańda ózekti másele-medıatsııa tártibin qoldaný arqyly tatýlastyrýdy nasıhattaý qajettiligin túsindirip, osy baǵytta birgelesip jumys atqarýǵa shaqyrdy. Halyqtyń jaǵdaıyn jaqsartý úshin sotta isterdiń tatýlastyrý rásimderin qoldaný arqyly aıaqtalýy mańyzdy ekenin túsindirdi.
Sýdıalyqqa taǵylymdamadan ótýshi M.Agıbaeva bankterge, mıkroqarjy uıymdaryna qaryz azamattardyń sany artqanyn, sol azamattardyń basym bóligi aýyl turǵyndary ekenin aıtyp ótti.
Qaryz aqsha óndirý týraly sotqa aryz kelip túsken kezde, aryz óndiriske qabyldanar aldyn medıator mindetti túrde jaýapker men talapkerge daýdy tatýlastyrý sharalaryn qoldaný arqyly aıaqtaýdy usynady, sol sátte jaýapkerlerdiń sotqa kelýi óte ózekti másele ekenin túsindirdi. Aýyl okrýg ákimderinen ózderine qarasty aýyl turǵyndaryn sotqa kelýine yqpal jasaýdy surady.
Sondaı-aq, kezdesýde halyqtyń quqyqtyq saýattylyǵyn arttyrý isine basymdyq berý kerektigi aıtyldy.
Jıyn sońynda sýdıalar qatysýshylardyń suraǵyna tolyq jaýap berip, isterine sáttilik tiledi.
«Daýdy medıatsııa tártibimen retteýdiń tıimdiligi» taqyrybyndaǵy dóqńgelek ústel onlaın formatta jalǵasyn tapty.
Іs sharany sýdıa A.Malaeva ashyp, sotqa túsken daýlardy tatýlasý rásimderimen retteýdiń tıimdiligi men mańyzdylyǵyna keńinen toqtalyp ótti. Búgingi kúni mıkroqarjy uıymdary men kollektorlyq agenttikterimen berilgen birqatar talap qoıýlar medıatsııa tártibimen rettelgenin atap ótip, aldaǵy ýaqytta osy baǵyttaǵy jumystardyń turaqty júrgiziletinin jetkizdi. Іs-shara barysynda qatysýshylarǵa sotta daýdy medıatsııa tártibimen retteý satysynda tatýlastyrý rásimderin ótkizý múmkindikteri túsindirildi.
Sonymen qatar qazirgi tańda sotqa bank, mıkroqarjy uıymdary men kollektorlyq agenttikterden aryzdardyń basym bóligi orys tilinde túsýine baılanysty memlekettik tildiń kórsetkishi tómendegenin aıtty. Aýdan turǵyndarynyń kópshiligi qazaq halqy bolýyna baılanysty aldaǵy ýaqytta talap qoıýlardy múmkindiginshe memlekettik tilde berýdi usyndy.
Іs-sharany qorytyndylǵan sýdıa A.Malaeva qatysýshylarǵa alǵysyn bildirip, halyq úshin birge atsalysyp jumys jasaýǵa shaqyrdy.