Saryaǵashta banan men papaııa pisti
Túrkistandyq sharýa tropıkalyq jemisterdi ósirip jatyr, dep habarlaıdy Kazinform.
Saryaǵashtaǵy «Agrotur» sharýa qojalyǵynyń jylyjaıynda ósirilgen tropıkalyq jemister ónim bere bastady. Qysta banan men papaııa pisti. Al, kıvı men qulpynaı, záıtún men rozmarınniń de jemis beretin kúnderi jaqyndap qalǵan.
«Ózbekstandyq tanys adamdar arqyly banan men papaııanyń kóshetterin ekvatordan aldyrdym. Basynda 4 túp banan, 2 túp papaııa otyrǵyzdyq. Qazir banan 20 túp boldy. Papaııada jáımen kóbeıip keledi. Ázirge satatyndaı ónim alyp jatqan joqpyn. Tek balalarym men nemerelerim jáne osyndaǵy jumysshylardyń jeýine jetip tur. Banan pisken kezde ózime eki-aq danasy buıyrdy», - deıdi sharýa qojalyq tóraǵasy Tursyn Abdýllauly.
Qazir sharýanyń aýlasynda ósip turǵan tropıkalyq jemisterge qyzyǵýshylar óte kóp. Sharýalar tájirıbe almasý úshin kelse, kásipkerler satyp almaq bolyp habarlasady. Al, keı adamdar sýretke túsý úshin arnaıy izdep keledi eken.
«Banan eki-úsh aıda bir ret 20 keliniń jobasynda ónim beredi. ıAǵnı, 1 jylda 100 kelideı ónim alamyz. Al, papaııanyń eki-úsh kúnde bireýi pisedi. Bizde arab elinde ósetin qurma aǵashy da bolǵan. Ótken jyly kómirdiń ýaqytyly jetkizilmeýinen jylyjaıdaǵy ónimderimizdi úsip ketti. Sol kezde kógerip turǵan qurma aǵashyn qýratyp aldyq», - deıdi sharýa.
Jalpy Tursyn Abdýllauly tropıkalyq jemis ósirýdi 2017 jyldary qolǵa alǵan. Alǵashqy kezde tropıkalyq jáne ekzotıkalyq jemisterge arnap arnaıy jylyjaı saldy. Kóshetterdi kútip baptaý jumystaryn atqardy. Al, jemisin 5 jyldan soń kóre bastady.
«Elimizge shetten keletin ónimderdi óz jerimizde ósirip kórýge nıet ettim. Tipti, aldyma «ósiremin» degen talap ta qoıdym. 12 sotok jerge jylyjaı salyp, tájirıbe alańyn jasadym. Josparym jaımen júzege asýda. Tek kún ystyq aımaqta ósetin jemister, Saryaǵash topyraǵyna da jersindi. Aldaǵy ýaqytta banan men papaııanyń kóshetterin kóbeıtýdi josparlap otyrmyn» - deıdi ol.
Búginde «Agrotur» sharýa qojalyǵy aýmaǵyndaǵy 4 gektar jerde qııar men qyzanaqtan bastap kóptegen baqsha ónimi ósiriledi. Olardyń ishinde záıtún men rozmarın, kıvı men qulpynaı, anar men qurma sekildi sırek kezdesetin jemister bar. Odan bólek, bir gektar jerge qııar men qyzanaq kósheti egilgen. Aýmaǵy eki gektar jerdi alyp jatqan alma baýy bar. Onda da almurt, shıe, óriktiń birneshe túri ósip tur. Sondaı-aq sharýa gollondııalyq gúlderdi de ósirip, satylymǵa shyǵaraýda. Bal arasy, bódene bınesi sekildi kásipteri de qosymsha júrip jatyr.
«Tutynýshylarymyzdyń kópshiligi Aqtaý, Atyraý, Qyzylorda, Almaty sekildi el aýmaǵynan keledi. Bıyl gollandııalyq gúlderge Ózbekstannan tapsyrys tústi. Suranys jaqsy. Jalpy bul bizdiń otbasylyq kásibimiz. Ul-qyzdarym men kelinderimde osynda qyzmet atqarady. Odan bólek, sharýa qojalyqta 30-ǵa jýyq jergilikti turǵyn jumyspen qamtylǵan. Al, agranomdy Túrkııadan aldyrdyq. Ózim jas kezimnen dıqanshylyqpen aınalysqanmyn», - deıdi Tursyn Abdýllauly.
