Saryaǵashta áıel meshitte jaıýly jatqan kilemderdi urlap ketken

SARYAǴASh. KAZINFORM - Polıtsııa qyzmetkerleri meshitten kilem urlaǵan kúdiktini ustady.

Jedel izdestirý sharalary kezinde Saryaǵash aýdandyq polıtsııa bóliminiń qyzmetkerleri meshitte urlyq jasady degen kúdikpen 51 jastaǵy jergilikti turǵyndy ustady. 

Kúdikke ilingen áıel túngi saǵat 01:00 shamasynda meshitterdiń birine kelip, ishinde tóseýli turǵan eki birdeı kilemdi alyp ketken. 

«Tártip saqshylary áıelden aıǵaqty zat retinde kilemderdi tárkilep aldy. Qazirgi tańda kúdiktiniń osyǵan uqsas qylmystarǵa qatysy bar-joǵyn tekserýde» delingen Túrkistan oblysy polıtsııa departamentiniń baspasóz qyzmeti taratqan aqparatta.