20:43, 04 Mamyr 2024 | GMT +6
Saryaǵash jastary 101 jasqa kelgen soǵys ardageriniń úı aýlasyn tazalady
TÚRKІSTAN. KAZINFORM – Saryaǵashtyq jastar «Ónegeli urpaq» aptalyǵynda Ekinshi dúnıejúzilik soǵys ardageri Ermahan Ishqonovtyń úı aýlasynda senbilik jumystaryn júrgizdi.
Olar turǵyn úı aýlasyn retsiz ósken shópterden tazartyp, qoqystardy shyǵardy. Іs-sharaǵa jastarmen birge aýdandyq «AMANAT» partııasynyń tóraǵasy Q.Qystaýbaev belsene atsalysty.
Soǵys ardageri Ermahan Ishqonov 1923 jyly Tashkent oblysy Kalının aýdanynda dúnıege kelgen. 1942 jyly 5 mamyrda ásker qataryna shaqyrtylyp, soǵysqa attanǵan. Sondaı-aq 1946 jyly Qyrǵyzstandaǵy avıatsııalyq bólimge jiberilip, 1948 jyly áskerı qyzmetin aıaqtaǵan.
Búginde Ermahan aqsaqal I dárejeli «Otan soǵysy», «KSRO Gvardııasy», «Minsiz qyzmeti úshin» jáne «Erligi úshin» medaldarymen marapattalǵan.
