Saryaǵash shıpajaıy jekeniń qolyna óte me
ASTANA. KAZINFORM — Premer-mınıstr Oljas Bektenov «Saryaǵash» emdeý-ońaltý kesheni» shıpajaıyn jekeshelendirýdiń keshendi josparynan alyp tastaý týraly depýtattyq saýalǵa jaýap berdi.
Oljas Bektenov jaýapta depýtattyq saýalǵa bergen jaýabynda Úkimettiń aldynda jekeshelendirý protsesin aıaqtap, básekeles salalardaǵy memlekettik kásiporyndar sanynyń qaıtadan ósýine kedergi bolatyn normatıvtik sharttardy jolǵa qoıý mindeti turǵanyn eske salady.
«Búgingi tańda osy maqsatta Básekelestikti qorǵaý jáne damytý agenttigi janynan (táýelsiz sarapshylardy tarta otyryp) jekeshelendirý jónindegi ulttyq ofıs quryldy. Sondaı-aq jekeshelendirýdiń 2021 — 2025 jyldarǵa arnalǵan keshendi josparyna qosý jáne odan alyp tastaý týraly ádisteme (2023 jylǵy 25 jeltoqsandaǵy № 1177 qaýlymen) bekitildi. Tıisinshe, zańnama talaptaryna sáıkes shıpajaıdy keshendi jospardan alyp tastaý máselesi boıynsha ádistemede kózdelgen rettilik saqtalýǵa tıis. Ádistemege sáıkes, bastamashy tıisti salanyń ýákiletti organynan jáne monopolııaǵa qarsy organnan qorytyndy alýǵa tıis. Óz kezeginde, agenttik shıpajaıdy jekeshelendirýdiń keshendi josparynan alyp tastaý máselesi ulttyq ofıs jumysy sheńberinde qarastyrylatynyn habarlaıdy. Osyǵan baılanysty shıpajaıǵa qatysty atqarylǵan jumystar týraly aqparat qosymsha engiziledi», — dep jazady Úkimet basshysy.
