Sardoba apaty 16 mlrd teńge shyǵyn keltirdi – ıÝrıı Ilın

NUR-SULTAN. QazAqparat – Tótenshe jaǵdaılar mınıstri ıÝrıı Ilın Sardoba apaty el bıýdjetine qansha shyǵyn keltirgenin aıtty, dep habarlaıdy QazAqparat.

«Ózbekstandaǵy sý qoımasy bógetiniń buzylýynan eleýli materıaldyq zalal keldi. Saldarynan Túrkistan oblysy Maqtaaral aýdanynyń 5 eldi mekeni zardap shekti. Bul – 6210 adam. Olardyń bárine ýaqtyly materıaldyq kómek kórsetildi. Jańa mektepter, aýrýhanalar men úıler salyndy, jańa ınjenerlik ınfraqurylym tartylyp jáne joldar tóseldi. Tótenshe jaǵdaıdy joıýǵa Úkimet rezervinen 16 mıllıard teńgeden astam qarajat bólindi», - dedi vedomstvo basshysy halyqqa esep berý kezdesýinde.

Mınıstrdiń aıtýynsha, jalpy sońǵy 5 jyl ishinde tótenshe jaǵdaılardy joıýǵa 44 mlrd teńgeden astam qarjy jumsalyp, memlekettik materıaldyq rezervte turǵan 365 tehnıka qoldanysqa shyǵarylǵan.