Sardınııadaǵy qýańshylyq: tótenshe jaǵdaı engizilip, sýǵa shekteý qoıyldy
ASTANA. KAZINFORM- Sardınııada aýyz sý tapshylyǵyna ulasqan qurǵaqshylyqqa baılanysty tótenshe jaǵdaı jarııalandy, dep jazady Euronews.
Aralda birneshe aptadan beri jańbyr jaýmaı, aýa temperatýrasy 40°C-qa deıin jetti.
Sardııanyń aımaqtyq keńesi tótenshe jaǵdaı 31 jeltoqsanǵa deıin kúshinde bolatynyn habarlady, óıtkeni sý tapshylyǵy qyzmettiń barlyq aspektilerine: aýyl sharýashylyǵyna, ónerkásipke jáne týrızm sektoryna, sardınııalyqtardyń kúndelikti ómirine de aıtarlyqtaı áser etedi.
Tótenshe sharalarǵa sonymen qatar úı sharýashylyqtary men kásiporyndar úshin jáne jeke azamattar úshin sýdy paıdalanýǵa shekteý engizý kiredi.
Aral bıligi sondaı-aq qurǵaqshylyqtan qorǵaýdyń uzaq merzimdi sharalaryn ázirleýge nıetti jáne Italııa úkimetin eldiń iri araldary - Sardınııa men Sıtsılııa úshin arnaıy jospar usynýǵa shaqyrady.
