Sarbazdyń ómiri men densaýlyǵyn saqtaýǵa barlyq deńgeıdegi qolbasshylyq jaýapty — Prezıdent
Qazaqstan Respýblıkasynyń Prezıdenti — Qarýly Kúshteriniń Joǵarǵy Bas Qolbasshysy Qasym-Jomart Toqaev Qorǵanys mınıstrliginiń basshylyq quramymen jıyn ótkizdi. Bul týraly Aqorda málim etti.
Memleket basshysy Qarýly Kúshter joǵary qolbasshylyǵynyń aldynda turǵan basym mindetterdi atady.
Vedomstvo jetekshiligine basqarý jáne áskerı organdar qurylymyn jetildirý, áskerı qyzmet ınstıtýtynyń rezervin qalyptastyrý, Arnaıy operatsııalar men aýmaqtyq qorǵanys kúshterin damytý sharalaryn júzege asyrý júkteldi. Sondaı-aq Qarýly Kúshterdi tsıfrlandyrý jáne onyń jumysynda jasandy ıntellektini paıdalaný tapsyryldy.
Jıyn barysynda áskerı boryshty óteýge jaıly jaǵdaı jasaýmen qatar áskerı qyzmetshilerdiń kásibı quziretin jetildirýge, olarǵa qoıylatyn talaptardy arttyrýǵa mán berý qajet ekeni aıtyldy.
Prezıdent sarbazdyń ómiri men densaýlyǵyn saqtaýǵa barlyq deńgeıdegi qolbasshylyqtyń jaýapty ekenin aıtty.
Buǵan deıin habarlanǵandaı, Memleket basshysy «Qazaqstan – Bolgarııa» bıznes-forýmyna qatysty.