Sarbazdarǵa temeki tuqylyn jegizgen áskerı qyzmetshi laıyqty jaza aldy

ASTANA. KAZINFORM – Aqtaýdaǵy 25744 áskerı bólimde sarbazdarǵa temeki tuqylyn jegizgen áskerı qyzmetshi laıyqty jazasyn aldy. Mundaı pikirdi Bas áskerı prokýrordyń orynbasary Talǵat Bekbergenov bildirdi.

- Jaza qaıshy áreketke saı keledi. Merzimdi áskerı qyzmetshige qatysty bıligin asyra paıdalanǵany úshin sottaldy. Áskerı sot merzimdi qyzmettiń eki sarbazyna temeki tuqylyn jegizip, kúsh qoldanǵan úshinshi synypty serjantqa bıligin asyra paıdalanǵany úshin 2 jyl bas bostandyǵyn shekteý jazasyn kesti. Aýyr saldardyń bolmaýyna jáne sottalýshynyń jeke qasıetin eskersek, oǵan taǵaıyndalǵan jaza túzelýine jetkilikti, - dedi Talǵat Bekbergenov Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.

Aıta keteıik, bul oqıǵa Aqtaýda bolǵanymen, is Aqtóbe áskerı sotynda qaraldy. 

Sot vzvod komandıri Ádilet Kerimovti Qylmystyq kodekstiń 451 baby 1 bóligimen aıypty dep tanyp, 2 jylǵa bas bostandyǵyn shekteý jazasyn taǵaıyndady.