Sarbazdarǵa táýelsiz kózqaraspen qaraýymyz kerek - Baqytbek Smaǵul
Aıta keteıik, Memleket basshysy «Ardagerler týraly» Qazaqstan Respýblıkasynyń Zańyna qol qoıǵan bolatyn.
«Jeńistiń 75 jyldyǵyna oraı jáne sol ýaqytta ómirin qajyrly eńbekke arnap, aýyr stanoktarda turǵan, egin orǵan, ıaǵnı jastyq shaǵyn maıdanǵa baratyn azyq-túlikti qamtamasyz etýge arnaǵan soǵys balalarynyń áleýmettik máseleleri eskerilgen. Aýyr kezeńde olar eki-úsh aýysymda janqııarlyq jumys istegen. Sonymen qatar, tájik-aýǵan ýchaskesinde TMD-nyń syrtqy shekaralarynyń syrtqy qorǵanysyn kúsheıtýge qatysqan, 1968 jyly Chehoslovakııadaǵy janjaldy retteýge, Taýly Qarabahtaǵy etnosaralyq janjaldy sheshýge, Iraktaǵy bitimgershilik operatsııalaryna qatysqan ulttyq kontıngenke kiretin azamattarymyz eskerilip otyr. Memleket pen memleket arasyndaǵy soǵysqa qaraǵanda, azamattyq soǵys óte qaýiptileý. Sebebi, ákesi balasyna, balasy ákesine qarý kóteredi, sondaı-aq bılik qoldan-qolǵa ótedi. Árkim óziniń jeke basynyń múddesin oılaıdy. Sondaı kezderde bizdiń Qazaqstan Qarýly Kúshteri kelisimshartpen tájik-aýǵan shekarasynda boldy. Táýelsiz el retinde bizdiń memleketimiz solardyń qazir áleýmettik máselesin qaraýda», - dedi Baqytbek Smaǵul.
Osy oraıda ol Prezıdent qol qoıǵan«Ardagerler týraly» Zańynyń mańyzdylyǵyn atap ótti.
«Ásker sapynan kóptegen azamattar bas tartýda. Qarýly Kúshterge kim qamqor bolýǵa tıisti? Áskerı adamdar eldiń úlken jaýapkershiligin kóterip júr. Shen úshin emes, el úshin, marapat úshin emes, parasat úshin qyzmet etken azamattarymyzǵa birinshi kezekte memleket qorǵan bolýy kerek», - dedi depýtat.
Sonymen qatar B. Smaǵul Aýǵan soǵysy ardagerleriniń múddelerine qatysty kóp márte saýal kótergenin eske saldy.
«Aldymyzda elimizdiń maqsaty jolynda úlken mindetter tur. Bul turǵyda Qarýly Kúshterine de júktelip otyrǵan jaýapkershilik mol. Biz shyńdalǵan armııany jasaqtap kelemiz, ıaǵnı armııa suryptalyp jatyr. Sondyqtan atqarlyp jatqan ister urpaq sabaqtastyǵy turǵysynda jastardy tárbıeleý úshin, Qarýly Kúshterdiń bolashaǵy úshin kerek», - dedi depýtat.
Onyń atap ótýinshe, koronavırýs indetimen kúres sharalary aıasynda áskerı qyzmetshilerdiń eńbegi zor.
«Qazir olar blokpostarǵa tartylyp, dezınfektsııa jasap jatyr. Áskerge qyzýǵyshylyqty, Otanǵa degen shynaıy janashyrlyq oıaný úshin biz óz Táýelsiz elimizdiń sarbazdaryna táýelsiz kózqaraspen qaraýymyz kerek. Atap aıtqanda, kópten kútken zań dep oılaımyn. Endi halyqqa qyzmet etetin normalar qamtylǵan», - dedi Baqytbek Smaǵul.
Munymen qosa ol osy baǵytta zańnamany jetildirý jumystary jalǵasyn tabatynyn atap ótti.
Budan buryn habarlanǵandaı, 30 sáýir kúni Parlament Senatynyń jalpy otyrysynda «Ardagerler týraly» Zańy qabyldandy.
Zań jobasynyń negizgi maqsaty – ardagerlerdi áleýmettik qorǵaýǵa baılanysty qoǵamdyq qatynastardy retteıtin zańnamalyq aktilerdi júıeleý, qaıta qaraý jáne ardagerlerdiń jańa sanattaryn qalyptastyrý.
Sonymen qatar, jalpy otyrysta «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» ilespe Zań eki oqylymda qaralyp, qabyldandy.
Ony ázirleý qajettiligi birqatar zańnamalyq aktilerdi «Ardagerler týraly» zań jobasyna sáıkes keltirýmen baılanysty. Negizgi jańa ózgerister áleýmettik tólemderge qatysty bolyp otyr.
