Sarbazdardyń óz-ózine qol salýlarynyń negizgi sebebi - psıhologııalyq tepe-teńsizdik - Áskerı polıtsııa ókili

ASTANA. 19 sáýir. QazAqparat - Búginde sarbazdardyń óz-ózine qol salýlaryna psıhologııalyq tepe-teńsizdik sebep bolyp otyr.

QazAqparat tilshisine suhbat bergen Aqmola óńirlik garnızonynyń Áskerı polıtsııa jasaǵynyń ıdeologııalyq jumys jónindegi mamany, leıtenant Baýyrjan Ámirov osylaı aıtty.

«Nege ekenin bilmeımin, biraq 91-92 jyldary týǵan jastardyń boıynda psıhologııalyq tepe-teńsizdik baıqalady. Sonyń saldarynan áskerge shaqyrylǵan olar óz-ózine qol salyp jatady. Máselen, otbasynda neshe túrli problemalar, ózge de keleńsiz jaǵdaılar bolady. Osynyń barlyǵy sarbazdardyń psıhologııasyna qatty áser etedi», - deıdi B.Ámirov. Mamannyń sózine qaraǵanda, «búginde áskerde álimjettik joq dep aıtýǵa bolmaıdy».