Sarbazdar balalardy órtten qutqardy
ASTANA. Aqpannyń 9-y. QazAqparat - Іshki ister mınıstrligi Іshki áskeriniń №5513 áskerı bóliminiń sarbazdary Taraz kóshesinde kezekshilik atqaryp júrgen kezde kópqabatty úıdiń úshinshi qabatynda órt shyqqany týraly aıqaıdy estıdi.
Dereý áreket etken olar tıisti orynǵa habar beredi de, sol jerge bet alady.
Keıin málim bolǵandaı, órtke oranǵan páterdiń ishinde úsh bala qalyp qoıǵan. Sarbazdar janyp jatqan páterdiń esigin ashyp, balalardy qaýipsiz jerge alyp shyǵady. Sodan keıin olar óz kúshterimen órtti sóndiredi.
Qutqarylǵan balalardyń anasy Gúlzahıra Ábdezova kishi serjant Álimbek Baıtýovqa, qatardaǵy jaýyngerler Aıbar Saǵynǵalıev pen Zamırbek Mashaevqa jáne bólim qolbasshylyǵyna alǵysyn bildirip otyr.
Mindetterin adal atqarǵandary jáne qoǵamdyq tártipti kúzetý jónindegi qyzmetterinde qyraǵylyq tanytqandary úshin bul jaýyngerler áskerı bólim komandıriniń alǵysymen atap ótildi jáne Іshki ásker qolbasshysynyń atynan marapatqa usynyldy.
