Sarbaz 2 adamdy óltirip, keıin óz-ózin atyp tastady
ASTANA. QazAqparat - AQSh ulttyq gvardııasynyń sarbazy 2 adamdy óltirip, artynan óz-ózine qol jumsady. Atys Logan (ıÝta shtaty) qalasynda oryn alǵan. 2009 jyldan ulttyq gvardııa qataryna qosylǵan Djared Tolman buryn eshqandaı jazaǵa tartylmaǵany atap ótildi.
Polıtsııa málimetinshe, ol túnde páterge basa kóktep kirip 19 jastaǵy qyz ben 25 jastaǵy jigitti vıntovkamen atyp tastaǵan. Keıin taǵy bir er azamat turatyn úıge qaraı bet alǵan. Biraq ony baspanasynan taba almaı, óz-ózin atqan.
Ózine qol jumsamas buryn 23 jastaǵy sarbaz qyzyna birqatar SMS-hat joldaǵan. Onda ne jazylǵany belgisiz, dep jazdy Gazeta.Ru. Sondaı-aq ata-anasyna arnap jazǵan ólimaldy haty da tabyldy.
Polıtseıler Tolman men qyzynyń arasyndaǵy qarym-qatynas qandaı bolǵanyn bilmeıdi.
